काठमाडौं । मंगलबार सेयर बजार परिसूचक दोहोरो अंकले बढेर बन्द भएको छ । आज सेयर बजार परिसूचक १३.५१ अंकले बढेर २८१२.३४ विन्दुमा पुगेको हो ।

आज सेयर बजारमा १३२ कम्पनीको सेयर मूल्य बढेको छ भने ११३ कम्पनीको सेयर मूल्य घटेको छ । आज १७ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि २.१४ अंकले बढेर ४८२.५६ विन्दुमा पुगेको छ । आज सेयर बजारमा १३ वटा उपसूचकमध्ये ६ वटाको सेयर मूल्य बढेको छ भने ७ वटाको घटेको छ ।

परिसूचक बढेको दिन कारोबार रकम भने १२ अर्बमा सिमित भएको छ । आज ३४० कम्पनीका ३ करोड ४८ लाख ५२ हजार ७६० कित्ता सेयर १ लाख ६ हजार १४० पटक खरिद बिक्री हुँदा १२ अर्ब ३ करोड ४४ लाख ६ हजार ३२८ रुपैयाँको कारोबार भएको छ । आज सेयर बजारमा ४ वटा कम्पनीको सेयर मूल्यमा सकारात्मक सर्किट लागेर कारोबार भएको छ ।