काठमाडौं । सूर्यज्योति लाइफ इन्स्योरेन्स कम्पनी लिमिटेडले संस्थापक  समूहको सेयर बिक्रीमा राखेको छ । कम्पनीले संस्थापक समूह तर्फको ५ लाख कित्ता सेयर बिक्रीमा राखेको हो ।

कम्पनीले सेयर खरीद गर्न इच्छुक योग्य जोकोही व्यक्ति, कम्पनी, संघ संस्थाहरूले किन्न पाउने गरी बिक्रीमा राखेको हो । उक्त सेयरको बिक्रीमूल्य प्रतिकित्ता न्यूनतम २४० रुपैयाँ तोकिएको छ । सेयर खरीदका लागि बोलपत्र पेश गर्दा सम्पूर्ण कित्ता अर्थात ५ लाख कित्ताकै लागि पेश गर्नु पर्नेछ । बोलपत्र आज चैत १८ गतेदेखि चैत २५ गतेभित्र पेश गरिसक्नु पर्नेछ ।

बोलपत्र फाराम काठमाडौंको बालुवाटारस्थित रिलायबल इन्भेष्टमेन्ट एण्ड मर्चेन्ट क्यापिटल लिमिटेडमा प्राप्त गर्न र बुझाउन सकिनेछ। बिक्री अवधिभर परेका बोलपत्रहरू चैत २६ गते बिहान ११ बजे बिक्री प्रबन्धक रिलायबल क्यापिटलको कार्यालयमा खोलिने कम्पनीले जानकारी दिएको छ ।