काठमाडौं । नेपाल राष्ट्र बैंकले बैंकिङ विभागका हिम प्रसाद न्यौपाने र आन्तरिक लेखापरीक्षण विभागका मुक्तिनाथ सापकोटालाई कार्यकारी निर्देशक (अधिकृत विशेष श्रेणी) पदमा बढुवा भएका छन् । मानव संसाधन व्यवस्थापन विभागद्वारा जारी सूचनाअनुसार बैंकको कर्मचारी सेवा विनियमावली, २०६८ (संशोधनसहित) बमोजिम न्यौपाने र सापकोटाको पदोन्नति गर्ने निर्णय गरिएको हो ।

न्यौपाने र सापकोटा यसअघि निर्देशक (अधिकृत प्रथम श्रेणी) पदमा कार्यरत थिए । अनुभव तथा कार्यसम्पादनका आधारमा कार्यकारी निर्देशक पदमा बढुवा गरिएको राष्ट्र बैंकले जनाएको छ ।