काठमाडौं । नेपाल बैंकको नाफामा सामान्य सुधार देखिएको छ । बैंकले सार्वजनिक गरेको चालु आर्थिक वर्ष २०८२÷८३ को तेस्रो त्रैमासिकसम्मको अपरिष्कृत वित्तीय विवरण अनुसार नाफामा सुधार देखिएको हो ।

चालु आर्थिक वर्षको चैत मसान्तसम्ममा बैंकको खुद नाफा ०.३४ प्रतिशत बढेर २ अर्ब ७९ करोड २९ लाख ८१ हजार रुपैयाँ पुगेको छ । गत वर्षको सोही अवधिमा बैंकले २ अर्ब ७८ करोड ३४ लाख ९४ हजार रुपैयाँ खुद नाफा आर्जन गरेको थियो । समीक्षा अवधिमा बैंकको खराब कर्जा घटाएको छ । गत वर्षको चैतमा ५.४५ प्रतिशत रहेको खराब कर्जा चालु आवमा घटेर ४.९६ प्रतिशतमा झारेको छ ।

चालु आवको चैत मसान्तसम्ममा बैंकको खुद ब्याज आम्दानी २.९९ प्रतिशत बढेर ७ अर्ब ३१ करोड ३२ लाख ५ हजार रुपैयाँ पुगेको छ । गत वर्षको सोही अवधिमा बैंकले ७ अर्ब १० करोड ७ लाख ५२ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकको खुद शुल्क तथा कमिशन आम्दानी ९.२१ प्रतिशत घटेर ६८ करोड ४३ लाख ६२ हजार रुपैयाँ, कुल सञ्चालन आम्दानी २.४५ प्रतिशत बढेर ८ अर्ब ७७ करोड ९० लाख ३२ हजार रुपैयाँ र सञ्चालन नाफा १.२५ प्रतिशत बढेर ४ अर्ब ८५ करोड २८ लाख ६१ हजार रुपैयाँ पुगेको छ ।

गत वर्षको चैत मसान्तसम्ममा बैंकको खुद शुल्क तथा कमिशन आम्दानी ७५ करोड ३८ लाख १३ हजार रुपैयाँ, कुल सञ्चालन आम्दानी ८ अर्ब ५६ करोड ८६ लाख १४ हजार रुपैयाँ र सञ्चालन नाफा ४ अर्ब ३१ करोड २७ लाख ८३ हजार रुपैयाँ थियो ।  चालु आवको चैतसम्ममा बैंकको वितरणयोग्य नाफा ३२ करोड १३ लाख ३४ हजार रुपैयाँ रहेको छ । यस आधारमा बैंकको लाभांश क्षमता २.९२ प्रतिशत रहेको देखिन्छ । गत वर्षको सोही अवधिमा बैंकको वितरणयोग्य नाफा ३० करोड ६२ लाख १८ हजार रुपैयाँ थियो ।

१४ अर्ब ६९ करोड ४० लाख २२ हजार रुपैयाँ चुक्ता पुँजी रहेको बैंकको जगेडा कोषमा २५ अर्ब ६ करोड ८८ लाख २७ हजार रुपैयाँ रहेको छ । चालु आवको चैत मसान्तसम्म बैंकले ३ खर्ब ८४ अर्ब ३७ करोड ९२ लाख ४ हजार रुपैयाँ निक्षेप संकलन गरी २ खर्ब ३९ अर्ब ४४ करोड ४६ लाख ५ हजार रुपैयाँ कर्जा लगानी गरेको छ । गत वर्षको चैतसम्म बैंकले ३ खर्ब ३२ अर्ब ९ करोड २३ लाख ७३ हजार रुपैयाँ निक्षेप संकलन गरी २ खर्ब २० अर्ब ४९ करोड ९७ लाख ७७ हजार रुपैयाँ कर्जा लगानी गरेको थियो ।

बैंकको नाफा बढेसँगै प्रतिसेयर आम्दानी (ईपीएस) पनि बढेर २५.३४ रुपैयाँ पुगेको छ । गत वर्षको चैतमा बैंकको प्रतिसेयर आम्दानी २५.२६ रुपैयाँ थियो । यस्तै, बैंकको प्रतिसेयर नेटवर्थ २७२.७९ रुपैयाँ छ भने मूल्य आम्दानी अनुपात १०.९७ गुणा छ ।