काठमाडौं । कोलकाता नाइट राइडर्सले आइतबार सम्पन्न खेलमा सनराइजर्स हैदराबाद  लाई ७ विकेटले पराजित गरेको छ। टस जितेर पहिले ब्याटिङ गरेको हैदराबादले सुरुमा ट्राभिस हेडको २८ बलमा ६१ रनको आक्रामक इनिङका बाबजुद १९ ओभरमा १६५ रन मात्र बनाउन सक्यो।

केकेआरका वरुण चक्रवर्तीले ३ विकेट र सुनील नरेनले २ विकेट लिँदै महत्वपूर्ण भूमिका खेले। १६६ रनको लक्ष्य पछ्याएको कोलकाताले १८.२ ओभरमा मात्र ३ विकेट गुमाएर लक्ष्य भेट्टायो, जसमा युवा ब्याटर अंगक्रिश रघुवंशीको ५९ रन र कप्तान अजिंक्य रहाणेको ४३ रनको योगदान मुख्य रह्यो।

यस जितसँगै केकेआरले आफ्नो तेस्रो लगातार जित दर्ता गरेको छ भने हैदराबादको लगातार पाँच खेलको जितको सिलसिलामा पूर्णविराम लागेको छ।