काठमाडौं । बुधबार सेयर बजार फेरि ओरालो लागेको छ । अघिल्लो दिन उच्च अंकले बढेको सेयर बजार आज भने दोहोरो अंकले घटेको हो ।

यो साताको अन्तिम कारोबार सेयर बजार परिसूचक २६ दशमलव ०७ अंकले घटेर २५९७ दशमलव ४९ विन्दुमा पुगेको छ । यो अघिल्लो दिनको भन्दा ०.९९ प्रतिशतलको गिरावट हो । आज ‘क’ वर्गका कम्पनीको मापक सेन्सेटिभ इन्डेक्स पनि ४ दशमलव १० अंकले घटेर ४६६ दशमलव ७१ विन्दुमा पुगेको छ । आज १३ उपसूचकमध्ये १२ वटाको सेयर मूल्य घटेको छ भने १ वटाको सेयर मूल्य बढेको छ ।

आज सेयर बजारमा कारोबार भएका कम्पनी मध्ये १८७ कम्पनीको सेयर मूल्य घटेको छ भने ५४ वटाको मूल्य बढेको छ । त्यस्तै ३ वटाको मूल्य भने स्थिर रहेको छ ।

परिसूचकसँगै आज कारोबार रकममा पनि कमी आएको छ । अघिल्लो दिन ७ अर्ब बढीको कारोबार भएको बजारमा आज ६ अर्ब ७७ करोड ८१ लाख ९५ हजार ८८१ रुपैयाँको कारोबार भएको छ । आज सेयर बजारमा ३१० वटा कम्पनीको १ करोड ५१ लाख ९९ हजार ७६३ कित्ता सेयर ८३ हजार ८१ पटक खरिद बिक्री हुँदा उक्त रकमको कारोबार भएको हो ।

आज दुई कम्पनीको सेयर मूल्यमा सकारात्मक सर्किट लागेको छ भने एउटा कम्पनीको सेयर मूल्यमा नकारात्मक सर्किट लागेको छ ।