शिशापाङ्मा, तिब्बत –  १९ वर्षीय निमारिन्जी  शेर्पाले इतिहास रच्दै विश्वका सबै ८००० मिटरभन्दा अग्ला १४ हिमाल चढ्ने सबैभन्दा कान्छा आरोही बनेका छन्। उनले यो भन्दा अघि विश्वका ८००० मिटरभन्दा अग्ला १३ वटा हिमालका सफल आरोहण गरिसकेका छन्।

शिशापाङ्माको सफल आरोहणले निमाको यो कठिन यात्रा पूरा भएको छ, जुन उपलब्धि अहिलेसम्म थोरै आरोहीहरूले मात्र हासिल गरेका छन्।

शिखरबाट लेखिएको एक भावुक सन्देशमा निमाले यो ऐतिहासिक उपलब्धि आफ्नो अभियान SherpaPower लाई समर्पण गरेका छन्,। “यो शिखर केवल मेरो व्यक्तिगत यात्राको अन्तिम बिन्दु मात्र होइन, यो प्रत्येक शेर्पालाई समर्पित छ जसले आफ्नो परम्परागत मानसिकता र सीमाहरूभन्दा पर सपना देख्ने हिम्मत गरेका छन्,” निमाले आफ्नो आरोहणपश्चात फेसबुक पोस्टमार्फत भनेका छन्।