काठमाडौं । साताको सेयर कारोबार हुने पहिलो दिन नेप्से परिसूचकमा उच्च वृद्धि भएको छ । सेयर कारोबार हुने साताको पहिलो दिन आइतबार सेयर बजारमा ६२ अकको वृद्धि भएको हो ।

आजको सेयर कारोबार बन्द हुँदा परिसूचक ६२ दशमलव ५४ अंकले बढेर २७३८ दशमलव ०६ विन्दुमा पुगेको छ । यो अघिल्लो कारोबारभन्दा २.३३ प्रतिशतले बढी हो । आज सेयर बजारमा कारोबार भएका कम्पनीमध्ये २२८ कम्पनीको सेयर मूल्य बढेको छ भने १३ कम्पनीको सेयर मूल्य भने घटेको छ । त्यस्तै ३ कम्पनीको सेयर मूल्य भने स्थिर रहेको छ ।

त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ९ दशमलव ९१ अंकले बढेर ४८७ दशमलव १० विन्दुमा पुगेको छ । त्यस्तै आज १३ वटै उपसूचकको सेयर मूल्य बढेको छ ।

परिसूचकसँगै आज कारोबार रकममा पनि सुधार भएको छ । अघिल्लो कारोबार दिन ५ अर्बभन्दा माथिको कारोबार भएको बजारमा आज ९ अर्बभन्दा माथिको कारोबार भएको छ । आज ३२५ कम्पनीका २ करोड २४ लाख ७४ हजार २८१ कित्ता सेयर १ करोड ६५१ पटक खरिद बिक्री हुँदा ९ अर्ब ७७ करोड ११ लाख २४ हजार ७३ रुपैयाँ बराबरको कारोबार भएको छ ।

आजको कारोबार बन्द हुँदा सेयर बजारमा ६ कम्पनीको सेयर मूल्यमा सकारात्मक सर्किट लागेको छ ।