काठमाडौं । आइजीआई प्रुडेन्सियल इन्स्योरेन्स लिमिटेडले दाबीका लागि निवेदन दिएका बीमितहरूलाई अपुग कागजात पेश गर्न आग्रह गरेको छ । गत असोज मसान्तसम्ममा क्षति भई कम्पनीमा दाबीका लागि निवेदन दिएका बीमितको तर्फबाट आवश्यक कागजात अझै अपुग रहेको र सम्पर्कमा समेत नआएको भन्दै कम्पनीले सूचना जारी गरेको हो ।

कम्पनीले बीमितलाई २१ दिनभित्र कम्पनी वा सम्बन्धित सर्भेयरसँग सम्पर्क गरी थप कागजात पेश गरेर दाबी प्रक्रिया अघि बढाउन समेत आग्रह गरेको छ । यो अवधिभित्र पनि बीमितले दाबी प्रक्रिया अघि नबढाएमा सम्बन्धित बीमितको दाबीको फाइल बन्द गरिने कम्पनीले जनाएको छ ।