काठमाडौं । एनएलजी इन्स्योरेन्स कम्पनी लिमिटेडले बिक्री गरिरहेको हकप्रद सेयरमा आवेदन दिने म्याद थपिएको छ । कम्पनीले यसअघि पुस १ गतेसम्म आवेदन खुला गरेकोमा म्याद लम्ब्याइएको छ । यससँगै अब लगानीकर्ताहरूले पुस १६ गते बैंकिङ्ग समयसम्म आवेदन दिन पाउने भएका छन् ।

कम्पनीले गत मंसिर ११ गतेदेखि प्रतिकित्ता १०० रुपैयाँका दरले ९६ लाख ३१ हजार २२०.२२ कित्ता हकप्रद बिक्री खुला गरिरहेको थियो । यसमा कात्तिक २६ गतेसम्म कायम सेयरधनीले आवेदन दिन पाउँछन् ।