काठमाडौं । हिमालयन ऊर्जा विकास कम्पनी लिमिटेडले पुस २६ गतेका लागि आफ्नो साधारणसभाको मिति घोषणा गरेको छ । कम्पनीले आफ्नो २३ औँ र २४ औँ वार्षिक साधारणसभा पुस ३६ गते एक दिने गर्ने निर्णय गरेको हो ।

कम्पनीको सञ्चालक समितिले काठमाडौंको नयाँबानेश्वरस्थित अर्पण बैंक्विटमा पुस २६ गते बिहान ११ बजेदेखि सभा बस्ने निणर्य गरेको छ । कम्पनीले सभाका लागि लाभांश सम्बन्धी कुनै पनि प्रस्ताव समावेश गरेको छैन । सभाले गत दुई आर्थिक वर्ष ०७९/८० र ०८०/८१ को वार्षिक प्रतिवेदन छलफल गरी पारित गर्नुका साथै चालू आवको लागि लेखापरीक्षकको नियुक्ति गरी निजको पारिश्रमिक निर्धारण गर्ने र सञ्चालकको निर्वाचन प्रस्ताव पारित गर्नेछ ।

साधारणसभा प्रयोजनार्था कम्पनीले पुस १२ गते बुक क्लोज गर्ने निणर्य गरेको छ । यसको आधारमा पुस ११ गतेसम्म कायम शेयरधनी सभामा भाग लिन सक्नेछन् ।