काठमाडौं । महुली लघुवित्त वित्तीय संस्थाको एफपीओमा ५२ गुणा बढी आवेदन परेको छ । आवेदन दिने अन्तिम दिनको कार्यालय समयसम्ममा मागभन्दा ५२.३४ गुणा बढी आवेदन परेको हो ।

कम्पनीको एफपीओमा २ अर्ब ४८ करोड ८५ लाख ८४ हजार रुपैयाँ बराबरको आवेदन परेको छ । सीडीएसका अनुसार १७ लाख ८५ हजार ८५३ जनाले २ करोड ४८ लाख ८५ हजार ८४० कित्ताका लागि आवेदन दिएका हुन् ।

कम्पनीले ४ करोड ७५ लाख ४४ हजार ९१५ रुपैयाँ बराबरको ४ लाख ७५ हजार ४४९ कित्ता एफपीओ निष्कासन भएको थियो । यसमा न्यूनतम १० कित्तादेखि अधिकतम १ हजार कित्तासम्म आवेदन दिन सकिनेछ । कम्पनीको सेयर निष्कासन तथा बिक्री प्रबन्धक लक्ष्मी सनराइज क्यापिटल रहेको छ ।