काठमाडौं । इंग्लिस प्रिमिर लिगमा गए राति भएका खेलमा चेल्सी, म्यानचेष्टर युनाइटेड र आर्सजन विजी भएका छन् । चेल्सीले लिभरपुल, युनाइटेडले सनटरल्याण्ड र आर्सनलले वेस्ट ह्यामलाई पराजित गरेको हो ।

अन्तिम समयमा सम्हालिन नसक्दा लिभरपुल चेल्सीसँग स्तब्ध बनेको छ । चेल्सीले लिभरपुललाई २–१ ले हराएको हो । चेल्सीले घरेलु मैदानमा मोइसेस काइसेडोको गोलमा अग्रता बनाएको थियो । लिभरपुल दोस्रो हाफमा कोडी गाक्पोको गोलमा खेलमा फर्किएको थियो । थपिएको अतिरिक्त समयमा एस्टेवाओले गोल गर्दै लण्डन क्लबलाई जित दिलाए ।

जित सहित चेल्सीले ७ खेलबाट ११ अंक जोडेर तालिकाको छैटौं स्थानमा रहेको छ । दोस्रो स्थानको लिभरपुलको १५ अंक छ । उसले शीर्ष स्थानमा उक्लिने अवसर गुमाएको छ । शनिबारनै आर्सनलले वेस्ट ह्यामलाई १–० ले हराएर महत्वपूर्ण तीन अंक जोड्यो । आर्सनल तालिकको शीर्ष स्थानमा उक्लेको छ । म्यानचेस्टर युनाईटेडले समेत सिजनको तेस्रो जित निकाल्ने क्रममा सन्डरल्याण्डलाई २–० ले हरायो । युनाइटेड तालिकाको ९ औँ स्थानमा पुगेको छ ।