काठमाडौं । न्युजिल्यान्डका पूर्व कप्तान केन विलियमसन आगामी आईपीएल २०२६ मा लखनऊ सुपर जायन्ट्स (एलएसजी) का रणनीतिक सल्लाहकारमा नियुक्त भएका छन्। टिमका मालिक सञ्जीव गोयनकाले बिहीबार बिहान सामाजिक सञ्जालमार्फत उक्त जानकारी सार्वजनिक गरेका हुन्।

गोयनकाले लेखेका छन्,‘विलियमसनको नेतृत्व, रणनीतिक समझ, खेलप्रतिको गहिरो ज्ञान र खेलाडीलाई प्रेरित गर्ने क्षमता उनलाई हाम्रो नियुक्त गरिएको हो।’

३५ वर्षीय विलियमसन यसअघि पनि सुपर जायन्ट्स फ्रेन्चाइजसँग सम्बद्ध भइसकेका थिए। यससँगै न्युजिल्यान्डका पूर्व अफ–स्पिनर कार्ल क्रोलाई एलएसजीले स्पिन बलिङ कोचको रूपमा नियुक्त गरेको छ। उनी यसअघि कोलकाता नाइट राइडर्सका स्पिन सल्लाहकार रहिसकेका हुन्।