काठमाडौं । नेपाल प्रिमियर लिग (एनपिएल) को दोस्रो सिजनको उद्घाटन  खेलमा काठमाडौं गुर्खाजले जित निकालेको छ । आज भएको उद्घाटन खेलमा जनकपुर बोल्ट्सलाई ५ विकेटले पराजित गर्दै विजयी सुरुवात गरेको हो ।

काठमाडौंका लागि ओपनर बेन चाल्र्सवर्थ ४६ रनमा आउट भए । पहिलो खेलमा नै अर्धशतक बनाउनबाट उनी ४ रनले चुके । त्यस्तै आकाश त्रिपाठीले ४० रन बनाए भने मिलिन्द कुमारले १९ रनको योगदान दिए । जनकपुरका लागि किशोर महतो, ललित राजवंशी, अनिल साह, निकोल लोफ्टी इटन र सञ्जय कृष्णमुर्तीले १–१ विकेट लिए ।

यस अघि टस हारेर पहिले ब्याटिङ गरेको जनकपुरले निर्धारीत ओभरमा ६ विकेट गुमाएर १३० रन बनाएको थियो । जनकपुरका लागि आसिफ शेखले ५४ रनको योगदान दिए । त्यस्तै मयन यादबले ३४ रनको योगदान दिए भने लाहिरु समारकूनले २२ रनको योगदान दिए । काठमाडौंका लागि मिलिन्द कुमारले ३ विकेट लिए । साहब आलम, करण केसी र सन्तोष यादबले १–१ विकेट लिए । जनकपुर गत सिजनको विजेता टोलि हो ।