काठमाडौं । साताको सेयर कारोबार हुने चौथो दिन सेयर बजार परिसूचक घटेर कारोबार बन्द भएको छ । अघिल्ला दुई दिन बढेको सेयर बजार आज ४.९८ अंकले घटेर कारोबार बन्द भएको हो ।

आजको कारोबार बन्द हुँदा परिसूचक २५६१.०८ विन्दुमा पुगेको हो । आज सेयर बजारमा १७० कम्पनीको सेयर मूल्य घटेको छ । ७७ कम्पनीको सेयर मूल्य भने आज बढेको छ । त्यस्तै आज ९ कम्पनीको सेयर मूल्य भने स्थिर रहेको छ ।
त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि १.२६ अंकले घटेर ४४२.२६ विन्दुमा पुगेको छ । आज १३ उपसूचकमध्ये ९ वटाको सेयर मूल्य घटेको छ भने ४ वटाको मात्रै बढेको छ ।

परिसूचक घटेको दिन कारोबार रकम पनि ३ अर्बमा सिमित रहेको छ । आज सेयर बजारमा ३३८ कम्पनीका ८३ लाख ८८ हजार ३७३ कित्ता सेयर ५० हजार ६२६ पटक खरिद बिक्री हुँदा ३ अर्ब ७७ करोड ८६ लाख ३२ हजार ७७१रुपैयाँको कारोबार भएको छ । आज परिसूचक घटे पनि ८ वटा कम्पनीमा सकारात्मक सर्किट लागेर कारोबार भएको छ ।