काठमाडौंं । म्यानचेस्टर युनाइटेड प्रिमियर लिगमा सोमवार १० खेलाडीमा सिमित एभर्टनसँग स्तब्ध भएको छ । कियरन ड्युज्बरी होलको सानदार गोलको मद्दतले एभर्टनले युनाइटेडलाई १–० ले हराएको हो ।

रुबेन अमोरिमले युनाइटेडको जिम्मेवारी सम्हालेको एक वर्ष पूरा भएको दिन टोलीले हार बेहोरेको छ । इद्रिसा गेइले १३औँ मिनेटमा आफ्नै टोलीका माइकल किनलाई हानेपछि रातो कार्ड खाँदा एभर्टनले १० खेलाडीमा सिमित भएको थियो।
एभर्टनले सन् २०१३ पछि ओल्ड ट्राफोर्डमा जित निकालेको यो पहिलो अवसर हो । २९ औं मिनेटमा डेविड मोयेसको टोलीले अग्रता लिएको थियो । होलले पेनाल्टी बक्स बाहिरबाट हानेको कडा प्रहार गोलकिपर सेने लामेन्सले छोए पनि गोल भएको थियो ।

युनाइटेडले दोस्रो हाफमा खेल पूर्णरूपमा नियन्त्रणमा लिएर बराबरी गोलका लागि धेरै प्रयास ग¥यो । तर एभर्टनका गोलकिपर जोर्डन पिकफोर्डले ब्रायन म्बेमो र जोशुआ जिर्कजेका प्रहार रोकेर टोली अग्रता जोगाएका थिए । यो जितसँगै एभर्टन तालिकाको ११औँ स्थानमा उक्लिएको छ। समान अंकमा साथ युनाइटेड १० औँ स्थानमा छ । युनाइटेडले पाँचौँ स्थानमा उक्लिने मौका गुमाएको थियो ।