काठमाडौं । नासा सेक्युरिटीज कम्पनी लिमिटेडले लाभांश घोषणा गरेको छ । कम्पनीले आफ्ना सेयरधनीहरुलाई ११३.७ प्रतिशत लाभांश वितरण गर्ने घोषणा गरेको हो ।

यस ब्रोकर कम्पनीले गत वर्षको नाफाबाट सेयरधनीलाई २६ प्रतिशत बोनस सेयर र ८७.७० प्रतिशत नगद लाभांश (कर सहित) वितरण गर्ने घोषणा गरेको हो । सो लाभांश पारित गर्न कम्पनीले पुस ३० गते साधारण सभा बोलाएको छ । सभा कम्पनीको रजिष्टर्ड कार्यालय, काठमाडौँमा बिहान ९ बजे शुरु हुनेछ ।