काठमाडौं । प्रभु बैंकमा एशियन लाइफ इन्स्योरेन्स कम्पनीले आफनो सेयर स्वामित्व बढाएको छ । ०.५ प्रतिशतभन्दा धेरै सेयर हुने सेयरधनीको संख्या १२ रहेको छ । कम्पनीको आर्थिक वर्ष २०८१/८२ को विवरण अनुसार कम्पनीमा संस्थागत र व्यक्तिगत गरि १२ सेयरधनीसंग मात्र ०.५ प्रतिशतभन्दा धेरै सेयर रहेको देखिएको हो।

बैंकमा एशियन लाइफ इन्स्योरेन्सको सर्वाधिक ५.६३ प्रतिशत सेयर स्वामित्व रहेको छ । यस अवधिमा कम्पनीले आफ्नो स्वमित्व ४.९९ प्रतिशतबाट बढाएर ५.६३ प्रतिशत पुर्याएको हो । त्यस्तै बैंकमा गौरव अग्रवालको २.७१ प्रतिशत, कर्मचारी संचय कोषको २.५३ प्रतिशत, प्रभु ग्रुपको ०.९९ प्रतिशत, मिजास भट्टचनको ०.८० प्रतिशत, तथा सुदिप आचार्यको ०.६० प्रतिशत सेयर स्वामित्व रहेको छ । त्यस्तै ज्ञानु श्रेष्ठको ०.५८ प्रतिशत, राजेन्द्र भट्टचन र स्वरूप गुरुङको समान ०.५७ प्रतिशत तथा नेपाल इन्भेष्टमेन्ट प्रालिको ०.५२ प्रतिशत सेयर स्वामित्व रहेको छ ।

बैंकमा शिवम सिमेन्टको ०.५१ प्रतिशत तथा सन नेपाल लाइफ इन्स्योरेन्सको ०.५० प्रतिशत स्वामित्व रहेको छ । आर्थिक वर्ष २०८०/८१ मा ०.६ प्रतिशत सेयर स्वामित्व रहेकी अम्बिका शर्मा लामिछाने भने हाल ठूला सेयरधनीको सूचीबाट बाहिरिएकी छिन् ।