काठमाडौं । बलेफी हाइड्रोपावर लिमिटेडले साभारणसभाको मिति घोषणा गरेको छ । कम्पनीले यहि पुस २९ गते मंगलबार वार्षिक साधारणसभा बोलाएको हो ।

सभा काठमाडौंको गौशालास्थित होटल क्रिष्टल पशुपतिमा बिहान ११ बजेदेखि शुरू हुनेछ । कम्पनीले आफ्ना सेयरधनीहरूका लागि कुनै पनि लाभांश प्रस्ताव गरेको छैन । सभाले गत आर्थिक वर्षको वार्षिक र लेखापरीक्षण प्रतिवेदन सहितका वित्तीय विवरणहरू पारित गर्नेछ ।

चालू आर्थिक वर्षको लागि लेखापरीक्षक नियुक्ति गरी पारिश्रमिक तोक्ने, सञ्चालक समितिको बैठक भत्ता तोक्ने, सञ्चालक पदमा भएको नियुक्ति अनुमोदन गर्ने र हकप्रद शेयर निष्कासनको प्रस्ताव तय गरिएका छन् । कम्पनीले साधारणसभा प्रयोजनका लागि पुस १४ गते बूक क्लोज गर्ने निर्णय गरेको छ । यसर्थ नेप्सेमा पुस १३ गतेसम्म कायम सेयरधनीहरू मात्रै सहभागी हुन पाउनेछन् ।