काठमाडौं । सिटिजन्स बैंक इन्टरनेसनल लिमिटेडले संस्थापक समूहअन्तर्गतको ठूलो परिमाणको सेयर बिक्रीका लागि सार्वजनिक गरेको छ।

बैंकले संस्थापक समूहको कुल १४ लाख ४४ हजार ८४ दशमलव ९३ कित्ता सेयर बिक्रीमा राखेको जनाएको छ। प्रारम्भिक चरणमा उक्त सेयर बैंकका विद्यमान संस्थापक सेयरधनीहरूले मात्र खरिदका लागि आवेदन दिन पाउने व्यवस्था गरिएको छ।

सेयर खरिद गर्न इच्छुक संस्थापक सेयरधनीहरूलाई आवेदन पेश गर्न ३५ दिनको समय प्रदान गरिएको छ। तोकिएको अवधिभित्र इच्छुक सेयरधनीहरूले काठमाडौंको नारायणहिटी पथस्थित बैंकको केन्द्रीय कार्यालयमा निवेदन दर्ता गराउनुपर्नेछ।

बिक्रीका लागि उपलब्ध गराइएको सेयरको न्यूनतम मूल्य प्रतिकित्ता १०६ रुपैयाँ निर्धारण गरिएको बैंकले जनाएको छ।

बैंकका अनुसार निर्धारित समयसीमाभित्र संस्थापक सेयरधनीहरूबाट पर्याप्त आवेदन नपरेमा बाँकी सेयर अन्य व्यक्ति तथा संस्थालाई समेत बिक्रीका लागि खुला गरिनेछ।