काठमाडौं । आइतबारको सेयर कारोबार जारी रहँदा नेप्से परिसूचक राताम्य भएको छ । साताको पहिलो कारोबार दिन आइतबार बजार खुलेसँगै गिरावट आएको बजारमा १ बजेको कारोबार जारी रहँदा २.९५ प्रतिशतको गिरावट आएको हो ।

आजको कारोबार जारी हरँदा नेप्से परिसूचक ८२.२९ अंकले घटेर २७९९.८८ विन्दुमा पुगेको छ । पछिल्ला केही दिनयता विकसित घटनाक्रमले बजारको मनोविज्ञानलाई गम्भीर रूपमा प्रभावित पारेको देखिन्छ । गत साता पनि सेयर बजारमा साढे ५ प्रतिशत माथिको गिरावट आएको थियो ।

पछिल्लो सयम सरकारले सम्पत्ति शुद्धिकरणको अनुसन्धानलाई तिब्रता दिए पछि बजारमा त्यसको प्रभाव परेको लगानीकर्ताहरको भनाइ छ । यो अवधिमा सेयर बजारमा ६ अर्ब ५६ करोड माथिको कारोबार भएको छ ।