काठमाडौं । सनराइजर्स हैदराबादले इन्डियन प्रिमियर लिग (आइपिएल) मा चेन्नई सुपर किंग्सलाई १० रनले पराजित गरेको छ । हैदराबादमा शनिबार राति भएको खेलमा हैदराबादले दिएको १ सय ९५ रनको लक्ष्य पछ्याएको चेन्नईले २० ओभरमा ८ विकेट गुमाउँदै १ सय ८४ रन मात्र बनाउन सक्यो।

पहिले ब्याटिङ गरेको हैदराबादले २० ओभरमा ९ विकेट गुमाउँदै १ सय ९४ रन बनाएको थियो। उसका लागि अभिषेक शर्मा र हेनरिक क्लासेन ले अर्धशतक बनाए । अभिषेकले १५ बलमा तीव्र अर्धशतक बनाउँदै ५९ रन जोडे । क्लासेनले ३३ बलमा ५९ रन बनाए । चेन्नईका लागि अंशुल कम्बोज र जेमी ओभरटनले समान ३ विकेट लिए ।

१ सय ९५ रनको लक्ष्य पछ्याएको चेन्नईले सुरुआत राम्रो गरेको थियो। युवा खेलाडी आयुष म्हात्रे ले आक्रामक ब्याटिङ गर्दै ३४ रन बनाए। तर उनको चोटपछि चेन्नईको इनिङ्स कमजोर बन्दै गयो र टोली लक्ष्य नजिक पुगेर पनि सफल हुन सकेन । हैदराबादका लागि बलिङमा ईशान मलिंगा ले ३, नितिश कुमार रेड्डी ले २ तथा शिवाङ कुमार र साकिब हुसेनले समान १ विकेट लिए ।

एक समय चेन्नईलाई जितका लागि ६० बलमा ८४ रन आवश्यक थियो र ७ विकेट बाँकी थियो। तर हैदराबादका बलरहरूले उत्कृष्ट प्रदर्शन गर्दै खेल आफ्नो पक्षमा पारे। यो जितसँगै सनराइजर्स हैदराबाद अंक तालिकाको शीर्ष चारमा उक्लिएको छ।