काठमाडौं । उपकार लघुवित्त वित्तीय संस्था लिमिटेडले हकप्रद सेयर जारी गर्ने भएको छ । कम्पनीको आइतबार सम्पन्न ७ औँ वार्षिक साधारणसभाले हकप्रद सेयर जारी गर्नका लागि सम्बन्धीत निकायमा आवेदन दिने निर्णय गरेको हो ।
काठमाडौँस्थित होटल सेन्ट्रल प्लाजामा सम्पन्न सभामा संस्थाको अध्यक्ष शान्ति देवी ढकालको अध्यक्षतामा वित्तीय विवरण स्वीकृत गर्ने तथा हकप्रद सेयर जारी गर्न सम्बन्धित निकायमा आवेदन दिने निर्णय गरिएको हो । सभामा संस्थाको मातृ संस्था महिला मञ्चकी अध्यक्ष चन्द्रकला न्यौपानेले उपकार लघुवित्तको हालसम्मको प्रगतिको प्रशंसा गर्दै आगामी दिनमा अझ प्रभावकारी रूपमा अघि बढ्न सुझाव दिइन् । उनले महिला उपकार मञ्च सधैं संस्थाको साथमा रहने प्रतिबद्धता पनि व्यक्त गरिन् ।
त्यसैगरी, सर्वसाधारण सेयरधनी डिल्लेश्वर कार्कीले हाल लघुवित्त वित्तीय संस्थाहरूले विभिन्न चुनौतीहरूको सामना गरिरहेको उल्लेख गर्दै विशेष परिस्थितिमा पनि कर्मचारीहरूले पु¥याएको योगदानको मूल्यांकन गर्नुपर्ने धारणा राखे । सभामा अध्यक्ष शान्ति देवी ढकालले संस्थाको समग्र प्रगति विवरण प्रस्तुत गर्दै हालसम्मका उपलब्धि, वित्तीय अवस्था तथा आगामी योजनाबारे जानकारी गराएकी थिइन् । उनले संस्थालाई अझ सुदृढ, पारदर्शी र सेवामुखी बनाउने लक्ष्यसहित अघि बढ्ने प्रतिबद्धता व्यक्त गरिन् ।