काठमाडौं । मंगलबार सेयर बजार दोहोरो अंकले बढेर कारोबार भएको छ । अघिल्लो दिन घटेको बजार आज भने २२.२१ अंकले बढेको हो ।
आज सेयर बजार परिसूचक २७७७.५८ विन्दुमा पुगेको छ । आज १८४ कम्पनीको सेयर मूल्य बढेको छ भने ७७ कम्पनीको सेयर मूल्य घटेको छ । आज १० कम्पनीको सेयर मूल्यमा कुनै परिवर्तन भएको छैन् । आज सेन्सेटिभ इन्डेक्स पनि बढेको छ ।
आज सेन्सेटिभ इन्डेक्स २.७८ अंकले बढेर ४७३.५१ विन्दुमा पुगेको छ । आज सेयर बजारका १३ वटा उपसूचकमध्ये १२ वटाको सेयर मूल्य बढेको छ भने एउटाको सेयर मूल्यमा गिरावट आएको छ ।
परिसूचक बढेको दिन कारोबार रकम भने घटेको छ । आज सेयर बजारमा ३४६ कम्पनीका १ करोड १३ लाख ८५ हजार १०० कित्ता सेयर ६१ हजार ५२७ पटक खरिद बिक्री हुँदा ५ अर्ब २६ करोड ५२ लाख ७५ हजार २९९ रुपैयाँको कारोबार भएको छ । आज सेयर बजारमा एउटा कम्पनीको सेयर मूल्यमा सकारात्मक सर्किट लागेको छ ।