काठमाडौं । लेबनानी हिजबुल्लाह समूहका प्रमुख नाइम कासेमले लेबनान र इजरायली राजदूतहरूले घोषणा गरेको सशर्त युद्ध विरामलाई स्वीकार्न नसकिने बताएका छन् । उनले बृहत् युद्धविराम र पूर्ण इजरायली फिर्तीको माग गर्दै अन्यथा उत्तरी इजरायलमा नयाँ आक्रमणको चेतावनी दिएका हुन् ।
अमेरिकामा लेबनानी र इजरायली प्रतिनिधिहरूले सशर्त युद्धविरामका लागि सहमति जनाएलगत्तै हिजबुल्लाहको प्रतिक्रिया आएको हो । लेबनानका राष्ट्रपतिले यो सहमतिलाई लडाइँको दिगो अन्त्यको लागि ‘अन्तिम मौका’ भन्नुभएको छ । हेजबुल्लाहले भने इजरायल–लेबनान वार्तालाई अस्वीकार गरेको छ ।
इजरायली सेना लेबनानी क्षेत्रभित्र तैनाथ गरिएको छ र इरान समर्थित लडाकु समूह हेजबुल्लाहले इजरायलमाथि आक्रमण जारी राखेको छ ।