काठमाडौं । नेपाल राष्ट्र बैंकले मंगलबार मात्रै आगामी आर्थिक वर्षको मौद्रिक नीति सार्वजनिक गर्‍यो । मौद्रिक नीति आउने दिने दोहोरो अंकले बढेको सेयर बजार त्यस पछिको पहिलो कारोबार दिन बुधबार पुँजी बजारमा उच्च गिरावट देखिएको छ ।

बुधबारको करोबार बन्द हुँदा नेप्से परिसूचक ३०.०९ अंकले घटेको छ । यो अघिल्लो दिनको भन्दा १.१३ प्रतिशतले कम हो । आजको कारोबार बन्द हुँदा नेप्से परिसूचक २६२१.५९ विन्दुमा पुगेको छ । आज सेयर बजारमा २४७ कम्पनीको सेयर मूल्य घटेको छ भने २५ कम्पनीको सेयर मूल्य आज बढेको छ । त्यस्तै आज ५ कम्पनीको सेयर मूल्य स्थिर रहेको छ ।

त्यस्तै आज सेन्सेटिभ इन्डेक्स पनि ३.९३ अंकले घटेर ४५६.६८ विन्दुमा पुगेको छ । आज सेयर बजारमा १३ उपसूचकमध्ये एउटाको मात्रै सेयर मूल्य बढेको छ । बाँकी १२ वटा उपसूचकको सेयर मूल्य घटेको छ ।

परिसूचक घटे पनि आज कारोबार रकममा भने वृद्धि भएको छ । आज सेयर बजारमा ४ अर्ब ८२ करोड माथिको कारोबार भएको छ । अघिल्लो दिन सेयर बजारमा ४ अर्ब ४० करोडको कारोबार भएको थियो । आज ३६२ कम्पनीका ८४ लाख ६३ हजार १५ कित्ता सेयर ७७ हजार ६२७ पटक खरिद बिक्री हुँदा ४ अर्ब ८२ करोड ६० लाख ८४ हजार ८२५ रुपैयाँको कारोबार भएको छ ।