काठमाडौं । यो सता नेपाली बजारमा लगातार रुपमा सुनको मूल्य घटेको छ । नेपाल सुनचाँदी व्यवसायी महासंघका अनुसार गत असार १९ गतेको तुलनामा असार २६ गतेसम्म आइपुग्दा सुनको मूल्य प्रतितोलामा ३ हजार ३०० रुपैयाँले गिरावट भएको हो ।

नेपाल सुनचादी व्यवसायी महासंघकाअनुसार, गत असार १९ गते शुक्रबार नेपाली बजारमा सुनको मूल्य प्रतितोला २ लाख ९० हजार ७०० रुपैयाँमा कारोबार भएकोमा असार २६ गतेसम्म आइपुग्दा सुनको मूल्य घटेर २ लाख ८७ हजार ४०० रुपैयाँ आइपुगेको छ । महासंघकाअनुसार, गत असार २१ गते आइतबार अघिल्लो दिनको तुलनामा सुन ४०० रुपैयाँले घटेर २ लाख ९० हजार ३०० रुपैयाँमा कारोबार भएको थियो ।

त्यस्तै, असार २२ गते सोमबार पनि सुनको मूल्य घटेको थियो । उक्त दिन प्रतितोला ९०० रुपैयाँले घटेर प्रतितोला २ लाख ८९ हजार ४०० रुपैयाँमा कारोबार भएको थियो । त्यस्तै, असार २३ गते मंगलबार पनि सुनको मूल्यले घट्ने क्रम जारी रह्यो । अघिल्लो दिनको तुलनामा उक्त दिन १ हजार ४०० रुपैयाँले घटेर प्रतितोला २ लाख ८८ हजार रुपैयाँमा कारोबार भएको थियो ।

त्यस्तै, असार २४ गते बुधबार पनि सुनको मूल्य घट्ने क्रम रोकिएन । अघिल्लो दिनको तुलनामा उक्त दिन ९०० रुपैयाँले घटेर सुन प्रतितोला २ लाख ८७ हजार १०० रुपैयाँमा कारोबार भएको थियो । त्यस्तैगरी, असार २५ गते पनि सुनको मूल्य घट्यो । अघिल्लो दिनको तुलनामा उक्त दिन २ हजार ४०० रुपैयाँले घटेर सुन प्रतितोला २ लाख ८४ हजार ७०० रुपैयाँमा कारोबार भएको थियो । त्यस्तै, असार २६ गते पनि सुनको मूल्य २ हजार ७०० रुपैयाँले घटेर उक्त दिन २ लाख ८७ हजार ४०० रुपैयाँमा कारोबार भएको महासंघले जनाएको छ ।