सुनसरी । उद्योग वाणिज्य सङ्घ इटहरीको अध्यक्षमा गायत्री कटुवाल भण्डारी निर्वाचित भएकी छन्। आइतबार राति सम्पन्न मतगणनाअनुसार भण्डारीले आफ्ना निकटतम् प्रतिस्पर्धी नवराज काफ्लेलाई १५ मतले पराजित गरेकी हुन्।

निर्वाचन समितिका संयोजक टङ्क दुलालका अनुसार अन्तिम मतपरिणाममा भण्डारीले ७५८ मत प्राप्त गरिन्। उनका प्रतिस्पर्धी काफ्लेले भने ७४३ मत प्राप्त गरेको दुलालले जानकारी दिए। निर्वाचन समितिले दिएको जानकारीअनुसार कुल दुई हजार ३६९ मतदाता रहेकोमा निर्वाचनमा एक हजार ५४३ मत खसेको थियो।

वाणिज्य सदस्यतर्फ जीवनकुमार न्यौपाने, सञ्जीव खड्का, बलराम बस्नेत, सिनेट रिजाल, सञ्जय साह, बलबहादुर न्यौपाने, सन्नी चौधरी, दिनेशप्रसाद धमला र महेश थापा निर्वाचित भएका छन्। यसैगरी, महिला सदस्यतर्फ मीना आचार्य ढकाल र सुमित्रा घिमिरे भट्टराई विजयी भएका छन्। उद्योग सदस्यतर्फ भने अभिषेक बस्नेत, शिवप्रसाद भट्टराई ‘भूपाल’, हरिप्रसाद तिम्सिना र किसनकुमार खेडिया निर्वाचित भएको निर्वाचन समितिले जनाएको छ।