काठमाडौं । भारी वर्षाका कारण काठमाडौँको धोबीखोला उर्लिँदा चाबहिल, सरस्वतीनगर र सुकेधारा क्षेत्रका सडक तथा भित्री गल्लीहरू जलमग्न भई स्थानीयको जनजीवन कष्टकर बनेको छ।

खोलाको बाढी सडक र वस्तीमा पसेर जलाशय जस्तै बनेपछि सवारी साधन ठप्प भएका छन् भने पैदलयात्रीहरूलाई आवतजावत गर्न निकै सास्ती भएको छ। पानी घर र पसलका भुइँतल्लामा समेत छिरेकाले सर्वसाधारण पूर्ण रूपमा प्रभावित भएका छन्।