काठमाडौं । पञ्चकन्या माई हाइड्रोपावर लिमिटेडका प्रवर्द्धक कम्पनी पञ्चकन्या पावर डेभलपमेन्ट प्रालिले आफ्नो स्वामित्वमा रहेको १० लाख ६४ हजार ४२० कित्ता संस्थापक सेयर दोस्रो बजारमार्फत बिक्री गर्ने निर्णय गरेको छ।

हाल पञ्चकन्या पावर डेभलपमेन्ट प्रालिको नाममा कम्पनीको ४३ लाख १४ हजार ४२० कित्ता सेयर कायम रहेको छ। कम्पनीको योजनाअनुसार उक्त स्वामित्वमध्ये १० लाख ६४ हजार ४२० कित्ता सेयर बिक्री गरिने भएपछि प्रवर्द्धक कम्पनीको स्वामित्व अनुपात घट्ने भएको हो।

यो सेयर दोस्रो बजारमार्फत बिक्री हुने भएकाले कम्पनीको सेयर संरचनामा परिवर्तन आउने अपेक्षा गरिएको छ। बिक्री प्रक्रिया सम्पन्न भएपछि पञ्चकन्या पावर डेभलपमेन्ट प्रालिको कम्पनीमा रहने हिस्सेदारी हालको तुलनामा कम हुनेछ।