काठमाडौं । मुख्य प्रशिक्षक राजेन्द्र तामाङले नेपाली महिला टोली छाडेका छन् । त्रिपुरेश्वरस्थित दशरथ रंगशालामा बुधबार भएको साफ च्याम्पियनसिप २०२४ को फाइनलमा बंगलादेशसँग २–१ ले पराजित भएसँगै उनले टोली छाडेको घोषणा गरेका हुन् ।

गत फागुनमा साउदी अरबमा भएको वाफ च्याम्पियनसिपमा उनले नेपाललाई फाइनल पु¥याएका थिए । त्यतिखेर जोर्डनसँग पराजित भएको नेपालले उनको प्रशिक्षणमा साफ पनि हारेको हो । ‘मैले आजैबाट महिला टोली छाडेको छु । अब म महिला टोलीमा हेर्दिन । अब म क्लबतिर जान्छु,’ उनले भने ।