काठमाडौं । साताको सेयर कारोबार हुने पहिलो दिन आइतबार सेयर बजार करिब १० अंकले घटेर बन्द भएको छ । आजको कारोबार बन्द हुँदा सेयर बजार परिसूचक ९ दशमलव ९९ अंकले घटेको हो ।

आजको कारोबार बन्द हुँदा सेयर बजार परिसूचक २७३८ दशमलव ०६ विन्दुमा पुगेको छ । कारोबार खुलेको केही समय पछि उच्च अंकले घटेको बजार अन्तिममा भने सामान्य घटेर बन्द भएको हो । त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ४ दशमलव २० अंकले घटेर ४७३ दशमलव ३० विन्दुमा पुगेको छ । आज १३ उपसूचकमध्ये ३ वटाको सेयर मूल्य बढेको छ भने बाँकीको घटेको छ ।

आज सेयर बजारमा कारोबार बन्द हुँदा ६३ कम्पनीको सेयर मूल्य बढेको छ भने १७८ कम्पनीको सेयर मूल्य घटेको छ । त्यस्तै ३ कम्पनीको सेयर मूल्य भने स्थिर रहेको छ ।

परिसूचक घटेपनि कारोबार रकममा भने सामान्य सुधार देखिएको छ । अघिल्लो कारोबार दिन ८ अर्ब ५४ करोड माथिको कारोबार भएको बजारमा आज ८ अर्ब ८३ करोड माथिको कारोबार भएको छ । आज सेयर बजारमा ३१४ कम्पनीका १ करोड ६७ लाख ६७ हजार १६८ कित्ता सेयर ८२ हजार ६०२ पटक खरिद बिक्री हुँदा ८ अर्ब ८३ करोड २२ लाख २५ हजार ८९२ रुपैयाँ बराबरको कारोबार भएको छ ।

आजको कारोबार बन्द हुँदा सेयर बजारमा ५ कम्पनीको सेयर मूल्यमा सकारात्मक सर्किट लागेको छ भने एउटा कम्पनीको सेयर मूल्यमा नकारात्मक सर्किट लागेको छ ।