काठमाडौं । स्वरोजगार लघुवित्त वित्तीय संस्था लिमिटेडले तीन जना संस्थापक सेयरधनीहरूको नाममा रहेको सेयर लिलाम बिक्रीमा राखेको छ । कम्पनीले १७ हजार ३२७ कित्ता संस्थापक सेयर आम सर्वसाधारणका लागि लिलाम बिक्रीमा राखेको हो ।

कम्पनीले संस्थापक सेयरधनी विजय कुमार खेतानको नाममा रहेको ८ हजार १३ कित्ता, मनोज कुमार सिग्देलको नाममा रहेको ४ हजार ३१४ कित्ता र सरस्वती दुवाडीको नाममा रहेको ५ हजार कित्ता संस्थापक सेयर बिक्रीमा राखेको हो। कम्पनीले यस अघि विद्यमान संस्थापक सेयरधनीहरूले मात्रै आवेदन दिन पाउने गरि ३५ दिने सूचना प्रकाशित गरेको थियो । त्यो समयमा रीतपूर्वक निवेदन प्राप्त हुन नआएकाले अब सर्वसाधारणका लागि बिक्री खुला गरिएको कम्पनीले जनाएको छ ।

उक्त सेयर खरीद गर्न इच्छुक सर्वसाधारणले आवश्यक कागजात सहित कार्यालय समयमा काभ्रेपलाञ्चोकको बनेपा–५ स्थित कम्पनीको केन्द्रीय कार्यालयको प्रशासन विभागमा लिखित निवेदन दिनु पर्नेछ ।