काठमाडौं । नेपाल धितोपत्र बोर्ड (सेबोन)ले मंगलबार नेको इन्स्योरेन्सलाई हकप्रद निष्कासनको अनुमति दिएको छ । बोर्डले कम्पनीलाई हाल कायम चुक्तापुँजीको १ः०.२५ अनुपातका दरले हकप्रद सेयर निष्कासनको अनुमति दिएको हो ।

मंगलबार नेको इन्स्योरेन्सले अनुमति पाएसँगै कुल ५० करोड ३० लाख ९० हजार १५५ रुपैयाँको हकप्रद निष्कासन गर्ने भएको छ । कम्पनीले १०० रुपैयाँ अंकित दरका कुल ५० लाख ३० हजार ९०१ कित्ता हकप्रद सेयर निष्कासन गर्ने छ । कम्पनीले हकप्रद निष्कासनका लागि प्रबन्धकमा सानिमा क्यापिटललाई नियुक्त गरेको छ ।

नेपाल बीमा प्राधिकरणको चुक्ता पुँजी बृद्धि गर्न दिएको निर्देशनबमोजिम कम्पनीले हाल कायम चुक्ता पुँजीको २५ प्रतिशतका दरले हकप्रद निष्काशन गर्ने निर्णय गरेको थियो । कम्पनीको हकप्रद सेयर निष्कासनपश्चात २ अर्ब ५१ करोड रुपैयाँ चुक्तापुँजी पुग्ने भएको छ ।