काठमाडौं । आज आइएमई लाइफ इन्स्योरेन्सको लाभांश सुरक्षित गर्ने अन्तिम दिन रहेको छ । यो कम्पनीले फागुन १५ गते बुक क्लोज गर्ने भएकाले आजसम्म कायम सेयरधनीले मात्रै लाभांश प्राप्त गर्न सक्नेछन् ।

यस कम्पनीले गत आवको मुनाफाबाट चुक्ता पुँजीको २१.०५२६४ प्रतिशत नगद लाभांश (कर समेत) वितरणको प्रस्ताव गरेको छ । प्रस्तावित लाभांश पारितका लागि कम्पनीले फागुन २५ गते काठमाडौंको धुमबाराहीस्थित दियो महलमा बिहान ११ बजेदेखि सुरु हुने गरी साधारणसभा बोलाएको छ ।