काठमाडौं ।नेपाल शेर्पा संघले सातौं महाधिवेशन आयोजना गर्ने घोषणा गरेको छ।  संघका अनुसार महाधिवेशनको तयारी अघि बढाइएको छ, जसमा नीति, पुनर्संरचना, र नयाँ प्रतिनिधिहरूको चयन मुख्य एजेन्डा रहनेछन्। महाधिवेशन आगामी २०८२ जेष्ठ २३ र २४ गते काठमाडौंमा आयोजना गर्ने भएको छ ।

संघले विभिन्न संघ तथा किदुगहरूलाई चैत मसान्तसम्म आबद्ध हुन अपिल गरेको छ। इच्छुक संघ-संस्थाले सदस्यता नवीकरण र आबद्धता प्रक्रिया पूरा गर्नुपर्नेछ।

नेपाल शेर्पा संघको केन्द्रीय कार्यसमितिद्वारा जारी सूचनामा संशोधित विधान २०८१ अनुरूप महाधिवेशन सम्पन्न गरिने उल्लेख छ। यससँगै, संघले सदस्यता नवीकरण र आबद्ध संस्थाहरूको सहभागितासम्बन्धी विवरण समेत सार्वजनिक गरेको छ। नगर तथा गाउंस्तरीय संघ-संस्थाहरूले जिल्ला कार्यालयमार्फत निवेदन दिनुपर्नेछ भने सहभागी संस्थाहरूले अपडेट गरिएको सदस्यता विवरण तथा महाधिवेशनमा सहभागी हुन प्रतिनिधिको नाम पेश गर्नुपर्नेछ।

संघले सम्बन्धित सबै संघ-संस्था तथा सदस्यहरूलाई समयमै दर्ता र नवीकरण गर्न आग्रह गरेको छ।