काठमाडौं । क्लब विश्वकपमा फ्रेन्च क्लब पेरिस सेन्ट जर्मेन (पिएसजी) र जर्मन क्लब बायर्न म्युनिख क्वाटफाइनमा प्रवेश गरेका छन् । गए राति र आज बिहान सकिएका खेलमा जित निकाल्दै युरोपका यी दुई टोलि अन्तिम ८ मा पुगेका हुन् ।

अन्तिम १६ को खेलमा आइतवार लियोनल मेस्सीको कप्तानीमा रहेको अमेरिकी क्लब मियामीलाई ४–० ले हराउँदै पिएसजी अन्तिम आठमा पुगेको हो । पिएसजीको जितमा जोआओ नेभेसले २ र अचरफ हाकिमीले १ गोल गरे । त्यस्तै १ गोल आत्मघाती रह्यो ।

त्यस्तै आज बिहान सकिएको खेलमा जर्मन क्लब बायर्न म्युनिखले फ्लामेंगोलाई पराजित गर्दै क्वाटरफाइनलमा स्थान सुरक्षित गरेको हो । अमेरिकाको हार्ड रक स्टेडियममा भएको खेलमा बायर्न ब्राजिलियन क्लब फ्लामेंगोलाई ४–२ ले पराजित गरेको हो । बायर्न जितमा हेरि केनले २ र लियोन गोरेट्ज्काले १ गोल गरे । १ गोल आत्मघाती भयो । फ्लामेंगोको लागि गेर्सन र जोर्जिन्होले गोल गरे । अब सेमिफाइन प्रवेशका लागि बायर्न र पिएसजीले जुलाई ५ मा प्रतिस्पर्धा गर्नेछ ।