काठमाडौं । निजी क्षेत्र पनि सच्चिन पनि आवश्क रहेको टुरिजम एसोसिएसन अफ नेपाल (टान) का अध्यक्ष सागर पाण्डेले बताए । उनले नेपाल आर्थिक पत्रकार संघ (नाफी) ले आयोजना गरेको अर्थतन्त्रको पुनरुत्थानको आगामी बाटो शीर्षकको अन्तक्रिया कार्यक्रममा बोल्दै उनले यस्तो बताएका हुन ।

निजी क्षेत्रले पनि धेरै कुरामा सुधार हुनु पर्ने उनले बताए । सरकारले गर्नु पर्ने धेरै काम भए पनि निजी क्षेत्रले भएन भन्ने मात्रै भन्दा पनि सकारात्मक रुपमा सोच्नु पर्ने बताए । काम गर्नका लागि निकै झन्झटिलो प्रक्रिया रहेकाले पनि समस्या भइरहेको उनको भनाइ छ ।

सरकारको विश्वसनीयता कायम गर्नका लागि सरकारले ध्यान दिनु पर्छ । सरकारी कर्मचारी मात्रै होइन अहिले यस्तो समस्या बैंकहरुमा पनि सरेको उनको भनाइ छ । भ्रष्टाचार कम गर्नका लागि सबै क्षेत्र विश्वनिय हुन आवश्यक रहेको उनको भनाइ छ ।

नेपालको अर्थतन्त्र कुपोषण लागेको अवस्था छ । बहुदल आए पछि नेपालको अर्थतन्त्र त्यस्तै अवस्थामा रहेको पाण्डेको भनाइ छ । पछिल्लो समय पर्यटक आवागमन घट्दै गएको उनले बताए ।