काठमाडौं । आत्मनिर्भर लघुवित्त वित्तीय संस्था लिमिटेडले नाफा करोड माथि पुगेको छ । कम्पनीले सार्वजनिक गरेको चालू आर्थिक वर्षको पहिलो त्रैमासिकसम्मको अपरिष्कृत वित्तिय विवरण अनुसार नाफा १ करोड १४ लाख पुगेको हो ।

गत आवको असोज मसान्तसम्म कम्पनी ४३ लाख ५३ हजार रुपैयाँ खुद नोक्सानीमा रहेको थियो । चालु आर्थिक वर्षको पहिलो तीन महिनामा कम्पनीले गत आवको नोक्सानी घटाउँदै नाफा कमाउन सफल भएको वित्तीय छ । त्यसैगरी गत वर्षको असोज मसान्तसम्म कम्पनीले ३ करोड १३ लाख रुपैयाँ खुद ब्याज आम्दानी गरेकोमा यस वर्ष १३.९२ प्रतिशतको वृद्धि सहित ३ करोड ५७ लाख रुपैयाँ खुद ब्याज आम्दानी गरेको छ ।

त्यसैगरी यस वर्ष कम्पनीको कुल सञ्चालन आम्दानी ३ करोड ४६ लाख रुपैयाँबाट १४ प्रतिशतले बढेर ३ करोड ९५ लाख रुपैयाँ पुगेको छ भने सञ्चालन नाफा १ करोड ११ लाख रुपैयाँ पुगेको छ जुन गत आवको सोही अवधिमा २ करोड ३० लाख रुपैयाँ घाटामा थियो ।

त्यस्तै अघिल्लो वर्ष १४.४३ प्रतिशत रहेको कम्पनीको खराब कर्जा (एनपीएल) यस वर्ष घटेर १२.८३ प्रतिशतमा झरेको भए तापनि यो अझै पनि उच्च विन्दु हो । चुक्ता पुँजी ७ करोड ८३ लाख रुपैयाँ रहेको यस कम्पनीको रिजर्भमा २३ करोड ९१ लाख रुपैयाँ रहेको छ ।