काठमाडौं । नेपाल ल्यूब आयल लिमिटेडको नाफामा सामान्य वृद्धि भएको छ । कम्पनीले सार्वजनिक गरेको चालु आर्थिक वर्षको पहिलो त्रैमासिकसम्मको अपरिष्कृत वित्तीय विवरण अनुसार गत आवको सोही अवधिको तुलनामा नाफा सामान्य बढेको हो ।
वित्तीय विवरण अनुसार चालु आर्थिक वर्षको असोज मसान्तसम्ममा कम्पनीले ५८ लाख ६४ हजार रुपैयाँ खुद नाफा कमाएको छ । गत आर्थिक वर्षको सोही अवधिसम्ममा कम्पनीको नाफा ५५ लाख ७४ हजार रुपैयाँ रहेको थियो । यो अवधिमा कम्पनीको आम्दानी बढेसँगै खुद नाफा पनि बढेको हो ।
समीक्षा अवधिमा कम्पनीको सञ्चालन आम्दानी २६ करोड ६६ लाख रुपैयाँबाट बढेर २८ करोड ९९ लाख रुपैयाँ पुगेको छ। त्यस्तै, समीक्षा अवधिमा कम्पनीको कुल नाफा ७ करोड १५ लाख रुपैयाँबाट बढेर ७ करोड ५१ लाख रुपैयाँ पुगेको छ भने सञ्चालन मुनाफा १ करोड ३६ लाख रुपैयाँबाट बढेर १ करोड ४० लाख रुपैयाँ पुगेको छ ।
नाफा बढेपनि कम्पनीको प्रतिसेयर आम्दानी भने घटेको छ । समीक्षा अवधिमा कम्पनीको यस्तो आम्दानी ३० रुपैयाँ ६० पैसाबाट घटेर २६ रुपैयाँ ८३ पैसामा सीमित भएको छ । ८ करोड ७४ लाख रुपैयाँ चुक्ता पुँजी रहेको यस कम्पनीको रिटेन्ड अर्निङ्ग २८ करोड ४ लाख रुपैयाँ रहेको छ ।