काठमाडौं । एनआरएन इन्फ्रास्ट्रक्चर एण्ड डेभलपमेन्ट लिमिटेडले आफ्नो स्वामित्वमा रहेको कुमारी बैंक लिमिटेड र मेरो माइक्रो फाइनान्सको सेयर बिक्री गर्ने भएको छ । कम्पनीले कुबारी बैंकमा रहेको ५ लाख ३० हजार कित्ता र मेरो माइक्रोफाइनान्स लघुवित्त वित्तीय संस्था लिमिटेडको ७८ हजार २०९ कित्ता सेयर बिक्रीमा राखेको हो ।

संस्थापक सेयर बिक्री गर्दा शुरूमा सम्बन्धित कम्पनीकै विद्यमान संस्थापक सेयरधनीहरूलाई प्राथमिकता दिनु पर्ने व्यवस्था भएकाले हाल सम्बन्धित कम्पनीकै विद्यमान संस्थापक सेयरधनीहरूले मात्रै उक्त सेयर खरिद गर्न पाउने छन् । सेयर खरिद गर्न इच्छुक कुमारी बैंकका संस्थापक सेयरधनीले काठमाडौंको टंगालस्थित बैंकको प्रधान कार्यालयमा र मेरो माइक्रोफाइनान्सका सेयरधनीले काठमाडौंको सितापाइलास्थित कम्पनीको सम्पर्क कार्यालयमा आवश्यक कागजात सहित ३५ दिनभित्र आफूले किन्न चाहेको सेयर र मूल्य समेत खुलाई निवेदन दिनु पर्नेछ ।

तोकिएको समयावधिभित्र सम्बन्धित कम्पनीका विद्यमान संस्थापक सेयरधनीहरूबाट निवेदन प्राप्त नभएमा सर्वसाधारणलाई बिक्री गर्न प्रक्रिया अघि बढाइने कम्पनीले जानकारी दिएको छ ।