काठमाडौं । नेपाली बजारमा सुनको मूल्यले दैनिक रुपमा रेकर्ड कायन गर्ने क्रम आज पनि जारी रहेको छ । सुन आज एकैदिन तोलामा ५ हजार २०० रुपैयाँले बढेर हालसम्मकै उच्च मूल्यमा पुगेको हो ।

नेपाल सुनचाँदी ब्यवसायी महासंघका अनुसार आज सुन प्रतितोला ३ लाख ९ हजार रुपैयाँ पुगेको हो । अघिल्लो दिन सुनको मूल्य तोलाको ३ लाख ३ हजार ८०० रुपैयाँ रहेको थियो ।त्यस्तै आज चाँदीको मूल्य पनि तोलामा २८५ रुपैयाँले बढेर तोलाको ६ हजार ७६५ रुपैयाँ पुगेको छ । अघिल्लो दिन चाँदीको मूल्य ६ हजार ४८० रुपैयाँ रहेको थियो ।