काठमाडौं । साताको सेयर कारोबार हुने पहिलो दिन आइतबार नेप्से परिसूचक उच्च अंकले बढेर कारोबार भएको छ । गत साता २ प्रतिशतले बढेको बजार यो साताको पहिलो दिन नै ५४.५१ अंक अर्थात् १.८९ प्रतिशतले बढेको हो ।
आजको कारोबार बन्द हुँदा नेप्से परिसूचक २९३१.५५ विन्दुमा पुगेको छ । आज सेयर बजारमा १८३ कम्पनीको सेयर मूल्य बढेको छ भने ७३ कम्पनीको सेयर मूल्य घटेको छ । आज ८ कम्पनीको सेयर मूल्य स्थिर रहेको छ । आज सेन्सेटिभ इन्डेक्स पनि ११.११ अंकले बढेर ५०५.३१ विन्दुमा पुगेको छ । आज सेयर बजारमा १३ उपसूचकमध्ये १२ वटाको सेयर मूल्य बढेको छ भने एउटाको सेयर मूल्य घटेको छ ।
परिसूचकसँगै कारोबार रकमा पनि उच्च वृद्धि देखिएको छ । आज सेयर बजारमा साढे २३ अर्ब माथिको कारोबार भएको छ । आज ३६४ कम्पनीका ६ करोड १४ लाख ७ हजार ७४ कित्ता सेयर २ लाख ४ हजार ९५५ पटक खरिद बिक्री हुँदा २३ अर्ब ५९ करोड ७७ लाख १२ हजार १८२ रुपैयाँको कारोबार भएको छ । आज सेयर बजारमा ८ कम्पनीको सेयर मूल्यमा सकारात्मक सर्किट लागेर कारोबार भएको छ ।