काठमाडौं । रास्वपाका बरिष्ठ नेता बालेन्द्र शाह नेतृत्वको सरकारले केही मन्त्रालय गाभेर १६ मा सिमित गरेको छ । प्रधानमन्त्री शाहले रक्षा र उद्यो वाणिज्य आफैंसँग राख्दा बाँकी १४ जना मन्त्रीले राष्ट्रपतिबाट सपथ लिएका छन् ।

यसअघि अलग अस्तित्वमा रहेको युवा तथा खेलकुद मन्त्रालयलाई शिक्षा विज्ञान तथा प्रविधि मन्त्रालयमा गाभिएको छ र यसको जिम्मेवारी सस्मित पोखरेलले पाएका छन् । त्यस्तै खानेपानी मन्त्रालय स्वास्थ्य तथा जनसंख्या मन्त्रालयमा गाभिएको छ । यसको जिम्मेवारी निशा मेहताले पाएकी छन् ।

वन तथा वातावरण मन्त्रालय कृषि मन्त्रालयमा गाभिएको छ । यसको जिम्मेवारी गिता चौधरीले पाएकी छन् । त्यस्तै, भूमि व्यवस्था,सहकारी तथा गरिवी निवारण मन्त्रालय अब संघीय मामिला तथा सामान्य प्रशासन मन्त्रालयमा गाभिएको छ । यसको जिम्मेवारी प्रतिभा रावलले पाएकी छन् ।