काठमाडौं । नेपाल आयल निगमले आन्तरिक हवाई इन्धनको मूल्य १२४ रुपैयाँले बढाएपछि वायुसेवा कम्पनीहरूले इन्धनवापतको शुल्क यात्रुको टिकटमा थप्न थालेका छन्। यसले गर्दा आन्तरिक उडानमा यात्रुले प्रतिकै टिकटमा इन्धन शुल्कको बढोत्तरी तिर्नुपर्ने अवस्था आएको छ।

वायुसेवा कम्पनीका अनुसार सबैभन्दा बढी इन्धन शुल्क वृद्धि काठमाडौं–धनगढी उडानमा भएको छ। पर्वतीय क्षेत्रका उडानमा बढी असर परेको भन्दै काठमाडौं–लुक्ला, काठमाडौं–जुम्ला जस्ता उडानमा ४ हजार २२५ रुपैयाँसम्म इन्धनको शुल्क बढेको छ।

सहरी क्षेत्रका गन्तव्यका उडानमध्ये सबैभन्दा कम वृद्धि सिमरा उडानमा देखिएको छ। यहाँ इन्धनको शुल्क १ हजार ११० रुपैयाँले बढेको वायुसेवा कम्पनीले जनाएको छ।