काठमाडौं । हिमालयन लाइफ इन्स्योरेन्स लिमिटेडका अध्यक्ष शुलभ अग्रवालले पक्राउ पर्नु अगावै दिएको राजीनामा स्वीकृत भएको छ । कम्पनीको सञ्चालक समितिको अध्यक्ष पदमा रहेका शुलभ अग्रवालले आफू पक्राउ पर्ने अवस्था देखेपछि चैत १९ गते राजीनामा बुझाएका थिए ।
उनले बुझाएको राजीनामा चैत २० गते शुक्रबार दिउँसो २ बजे बसेको सञ्चालक समितिले स्वीकृत गरेको हो । उनलाई सम्पत्ति शुद्धीकरणको अनुसन्धानका लागि भैरहवाबाट नेपाल प्रहरीको टोलीले शुक्रबार साँझ पक्राउ गरिसकेको छ ।
