काठमाडौं । विवेकशील साझा पार्टीका पूर्वसंयोजक मिलन पाण्डे राष्ट्रिय स्वतन्त्र पार्टी (रास्वपा) मा प्रवेश गरेका छन् । रास्वपाले उनलाई शिक्षा विभागको प्रमुख बनाएको छ ।

आज बसेको रास्वपा सचिवालय बैठकले सो निर्णय गरेको हो । यसअघि यो विभागमा सुमना श्रेष्ठ प्रमुख थिइन् । उनले पार्टी छोडेपछि सो पद खाली थियो ।

बैठकले डा. प्रभात अधिकारीलाई स्टार्ट अफ विभागको प्रमुखमा चयन गरेको छ । डा. अधिकारीले यसअघि रास्वपाको केन्द्रीय सदस्यबाट राजीनामा दिएका थिए ।