काठमाडौं । फ्रान्सेली क्लब पेरिस सेन्ट–जर्मेइन (पीएसजी) ले लगातार दोस्रो पटक च्याम्पियन्स लिगको उपाधि जितेको छ । हंगेरीको बुडापेस्टमा रहेको पुस्कास एरेना रङ्गशालामा गएराति भएको खेलमा पीएसजीले इंग्लिस क्लब आर्सनललाई पेनाल्टी सुटआउटमा ४–३ गोलले हराउँदै उपाधि जितेको हो ।

निर्धारित र अतिरिक्त समयसम्म खेल १–१ गोलको बराबरीमा सकिएपछि उपाधिको टुङ्गो पेनाल्टीमार्फत भएको थियो । खेलको छैटौँ मिनेटमै काई हाभेट्र्जले गोल गर्दै आर्सनललाई शुरुवाती अग्रता दिलाएका थिए । दोस्रो हाफको ६५औँ मिनेटमा ओस्मान डेम्बेलेको पेनाल्टीमार्फत पिएसजीले बराबरी गोल फर्कायो ।

युरोपेली क्लब फुटबलको प्रतिष्ठित प्रतियोगिता च्याम्पियन्स लिगमा अघिल्लो वर्ष इन्टर मिलानलाई पराजित गर्दै उपाधि जितेको पिएसजीले यस वर्ष पनि उपाधि जित्न सफल भयो ।