काठमाडौं । बिहीबार सेयर बजार परिसूचक घटेर कारोबार भएको छ । अघिल्लो दिन झिनो अंकले बढेको सेयर बजार आज भने ८.१४ अंकले घटेको हो ।

आजको कारोबार बन्द हुँदा नेप्से परिसूचक २७२८.०३ विन्दुमा पुगेको छ । आज सेयर बजारमा १७८ कम्पनीको सेयर मूल्य घटेको छ भने ८२ कम्पनीको सेयर मूल्य बढेको छ । त्यस्तै आज १३ कम्पनीको सेयर मूल्य स्थिर रहेको छ । आज सेन्सेटिभ इन्डेक्स पनि १.०९ अंकले घटेर ४६७.६२ विन्दुमा पुगेको छ । आज १३ वटा उपसूचकमध्ये ११ वटाको सेयर मूल्य घटेको छ भने दुई वटाको मात्रै बढेको छ ।

परिसूचक घटेको दिन कारोबार रकम पनि ३ अर्बमा सिमित भएको छ । आज सेयर बजारमा ३५० कम्पनीका ९२ लाख ३१ हजार २१६ कित्ता सेयर ५८ हजार ३९१ पटक खरिद बिक्री हुँदा ३ अर्ब ९० करोड ६२ लाख ४४ हजार ८९४ रुपैयाँको कारोबार भएको छ । आज सेयर बजारमा दुई कम्पनीको सेयर मूल्यमा सकारात्मक सर्किट लागेको छ ।